1. Lotu: ‘I ho’o to’o ‘a e Tohitapu, ‘Oua leva te ke lau ka ke tomu’a lotu ki he ‘Otua ke ne tokoni’i koe ke mahino ‘a e me’a te ke lau ‘o peheni:
“ Faka’aa mu’a hoku mata, keu sio me’a fakaofo ‘i Ho’o lao na” (Saame 119:18)
2. Lau: Lau mo fakatokanga’i ‘a e potu Folofola ‘oku ke lau, pe ‘oku ‘i ai hao akonaki mei he ‘Otua, ‘i he ‘aho takitaha
3. Fakakaukau’i: Fakakaukau’i ‘a e potu Folofola ‘oku ke lau, pe koe ha ‘ene lau ki he
i. ‘Otua ko e Tamai
ii. ‘Otua ko e ‘Alo
iii. ‘Otua ko e Laumalie Ma’oni’oni
Koe ha e me’a ‘oku ako’i mai ‘ehe potu Folofola ni ‘o kau ki he mo’ui faka-kalisitiane ‘o hange ko’eni.
i. ‘Oku ne fakaha mai ha fekau, pe fakatokanga, sipinga keu muimui kiai, pe koe angahala ke ta’ofi au mei ai? Hange ko’eni: Kapau koe angahala ke ta’ofi; kuopau leva keke feinga he ‘aho koia ke ta’ofi ‘a e fo’i angahala koia ‘oku fakaha mai ‘ehe lesoni ‘o e ‘aho.
ii. Lau lea e Me’atokoni Faka’aho kuo teuteu ma’au ‘e he Kautaha Lau Tohitapu.
iii. Hiki’i ki ha’o pepa ha veesi pe fakakaukau kuo ke ongo’i ‘oku ‘i ai ha’ane tokoni kiate koe pea pehe foki mo ha’o ‘ilo kuo ke a’usia.
4. Lotu: Lotu ki he ‘Otua ‘o kole ke ke ngaue’aki ‘a e ngaahi fakakaukau kuo ke ma’u ‘i ho’o lau Tohitapu kuo fai, mo ke fakamalo he ngaahi tapuaki moe faingamalie kuo Ne ‘omai he ‘aho ni. ‘Ahi’ahi ke ke ako ma’uloto ha fo’i veesi mei he Tohitapu ‘i he uike kotoa pe.
